Ekonomia eta Enpresa Zientzien Fakultatea

Gure indargune nagusia irakasleen prestakuntza eta konpromiso maila handia da. 30 urtetik gora daramatzagu ekonomiaren eta enpresa-zuzendaritzaren arloan profesionalak prestatzen. Gure tituludunen gogobetetasunak eta laneratze-tasa altuek (% 96k baino gehiagok, ikasketak amaitu eta bi urtera, beren titulazioarekin bat datorren lanpostu batean lan egiten dute) gure arrakasta islatzen dute.

• Proiektuetan oinarritutako irakaskuntza sustatzen dugu, non ikaslea ardatz nagusia den. Lankidetza estuan egiten dugu lan estatuko eta nazioarteko 200 unibertsitate baino gehiagorekin..
• Etengabe lan-merkatuaren eskakizunetara egokitzen den irakaskuntza osoa eskaintzen dizugu, eta laneratzen laguntzen dizugu zure prestakuntza-zirkulua ixteko.
• Oso maila handiko prestakuntza espezializatua eskaintzen dizugu ERP sistemetan oinarritutako prozesuen bidezko kudeaketan. Horren erakusgarri da gure ibilbide luzeko parte-hartzea Europako SAP University Alliances sarean. ERP prozesuen bidezko kudeaketako prestakuntza hori denbora errealeko ERPsim enpresa-simulagailu batekin osatzen duen prestakuntza-zentro unibertsitario bakarra gara Espainian.
• Kalitatezko nazioartekotzearen aldeko gure apustu irmoa sendotu dugu: nazioarteko bi programa ditugu, eta ingelesez ematen dira osorik, talde txikietan eta arreta pertsonalizatuarekin; programa horietan dauden ikasleek ikasturte oso bat egiten dute atzerrian.
• Garapen jasangarriarekin, erantzukizun sozialarekin eta gobernu onarekin konprometituta gaude.