Joan eduki nagusira
Nire NUP
tipo
Joan honen azalera: Ikasketak
 

Izan gure jarraitzaile

 
Sakatu enter bilatzeko edo ESC-a ateratzeko

Bilatu

  • Web
  • Pertsonak
  • Liburutegia

Sarbidea: 25 urtetik gorakoak

25 urtetik gorakoak sartzeko proba

 

25 urtetik gorako pertsonek graduko ikasketa ofizialak egin ditzakete, bi fase (orokorra eta berariazkoa) dituen proba gaindituz. Ikasleak bi faseetako azterketa egin beharko du. NUPen graduko ikasketak hasteko, unibertsitatean bertan proba gainditu duten ikasleek izanen dute lehentasuna. 

Eskaintzen diren ikaspostuen % 3ko kupoa dauka modalitate honek.

Probaren bilakaera


25 urtetik gorakoek proba bat gainditu beharko dute graduko ikasketa ofizialetan sartzeko. Probara aurkeztu ahal izateko baldintza hauek bete beharko dituzte:

  • Probak egiten diren urtean 25 urte izatea edo betetzea.
  • Espainian unibertsitateko ikasketak egiteko aukera ematen duen titulurik ez izatea.
  • Espainiako hezkuntza-sistemako Batxilergoa amaitu bai baina USEa gainditu ez dutenek bi aukera dituzte: USEa gainditzea edo 25 urtetik gorakoentzako proba gainditzea.
  • Ezin izanen dira 25 urtetik gorakoentzako probara aurkeztu atzerriko Batxilergoa izan eta homologazioa lortu dutenak. Horren ordez, USEa egiten ahalko dute, edo UHUNeko egiaztagiria eskuratu.

NUPek ez du 25 urtetik gorakoak sartzeko proba prestatzeko ikastarorik ematen.
 


Aurreko baldintzak betetzen dituzten ikasleek zilegi izanen dute NUPek 25 urtetik gorakoak Unibertsitatean sartzeko urtero antolatzen duen probara aurkeztea.

Espainiako hezkuntza-sistemako beste unibertsitate batzuek antolatzen duten probara ere aurkezten ahal dira.

NUPen sartzea eskatzeko, proba gainditu behar izan duzu 2005. urtetik aurrera, 2005. urtea barne. Eskaintzen diren ikaspostu guztien %3ko erreserba kupoa dute.

Lehentasun hurrenkera

1.a - Onartzeko eskaera aurkeztu duten unibertsitate berean proba gainditu duten ikasleak.

2.a - Talde horien barruan, lehentasuna izanen dute fase espezifikoan hautatutako aukerekin lotutako jakintza arloan edo arloetan sartzeko proba gainditu duten ikasleek.

3.a - Lortutako onarpen nota.

Titulazioak jakintza-arloaren arabera

Sartzeko proban lortutako kalifikazioa

  • Sartzeko probaren azken kalifikazioa: fase orokorrean eta espezifikoan lortutako kalifikazioen batezbesteko aritmetikoa izanen da, hurbilen dagoen milarenera biribilduta eta, distantzia bera egonez gero, goikora biribilduta, betiere izangaiak fase orokorrean zein espezifikoan gutxienez 4ko nota lortu badu.
  • Unibertsitatean sartzeko proba hori gainditutzat jotzeko, gutxienez 5 puntu lortu beharko dira azken kalifikazioan.
  • Behin gaindituta, sartzeko probak balio mugagabea izanen du, baina hautagaiak hurrengo deialdietara aurkezten ahalko dira berriz kalifikazioa hobetzeko. Aurreko deialdikoa baino handiagoa bada hartuko da kontuan lortutako azken kalifikazioa.

Ikasketetan onartua izateko nota

  • Ikasketetan onartua izateko nota: 25 urtetik gorakoentzako proban lortutako azken kalifikazioa izanen da (10 puntu gehienez).
  • Lehentasuna izanen dute proba NUPen gainditu dutenek, eta, horien artetik, egin nahi duten titulazioari dagokion jakintza-arloarekin lotutako aukeraren fase espezifikoa gainditu dutenek. Talde bakoitzaren barruan, eskaerak ikasketetan onartua izateko notaren arabera ordenatuko dira.
     

Izena emateko epea

2024ko otsailaren 5etik 9ra 

Matrikula egiteko:

  • Bidali mezu bat acceso@unavarra.es helbide elektronikora
  • Nafarroako Unibertsitate Publikoko Sarbide Bulegora (Administrazio eta kudeaketako eraikina, Arrosadiko campusa; tel. 948 169 632).

Dokumentazioa

Agiri hauek aurkeztu beharko dituzte (eskaneaturik, posta elektronikoaren bidez eginez gero):

  • Eskaera
  • NANa edo pasaportearen fotokopia.
  • Tasen murrizketarako edo salbuespenerako eskubidea egiaztatzen duen jatorrizko dokumentua edo fotokopia, halakorik badute.

Posta elektronikoz bidalitako dokumentuak, sinadura elektronikorik gabekoak, geroago eskatzen ahalko dira egiaztatzeko.

  • 25 edo 45 urtetik gorakoentzako Unibertsitatera sartzeko probetara aurkeztu eta, hezkuntza laguntzarako behar espezifikoak izateagatik, egokitzapenak eskatu nahi dituztenek, hurrengo administrazio-prozeduraren jarraibideak bete beharko dituzte.

Inskripzio-tasak:

  • Tasa arrunta: 130,90 €
  • Kategoria orokorreko familia ugarientzako/guraso bakarreko familientzako tasa: 65,45 €
  • Kategoria bereziko familia ugarientzako/guraso bakarreko familientzako edo % 33tik gorako desgaitasuna dutenentzako tasa: 0 €

Abonu-agiri bat emanen da ordainketa egiteko jarraibideekin batera.
Ordaintzeko modua

 

 


Azterketak bi fase ditu: fase orokorra eta fase espezifikoa. Bi faseetako azterketak egitea nahitaezkoa da.


Nahitaezko hiru irakasgai ditu:

  • Gaur-gaurkoa den gai orokor baten garapena edo testu-iruzkina - programa
  • Gaztelania - programa
  • Atzerriko hizkuntza (ingelesa, frantsesa, alemana, italiera edo portugesa) - programa

Ariketa bakoitza 0tik 10era kalifikatuko da, bi dezimalekin.

Hiru ariketetako bakoitzean lortutako kalifikazioen batezbesteko aritmetikoa izanen da fase orokorreko kalifikazioa.


Ikasleak bi irakasgairen azterketa eginen du, eta sartu nahi duen graduaren jakintza-arloekinlotuta daudenetatik aukeratu beharko ditu.
Titulazioak jakintza-arloaren arabera

Aukera bakoitzetik 2 irakasgai hautatu behar dira:

Ariketa bakoitza 0tik 10era kalifikatuko da, bi dezimalekin. Fase espezifikoko kalifikazioa hura osatzen duten ariketen batezbesteko aritmetikoaren emaitza izanen da.
 

Fase orokorra:

  • 2024ko maiatzaren 7an 
    • 09:00 - 12:00 – Testu-iruzkina / Gaztelania 313bis. ikasgela
    • 12:30 - 14:00 – Atzerriko Hizkuntza 314. ikasgela
    • Lekua: Ikasgelategia

Fase espezifikoa:

  • 2024ko maiatzaren 8an 
    • 09:00 - 10:30 – Matematika / Matematika Aplikatua / Espainiaren Historia
    • 11:00 - 12:30 – Fisika / Geografia
    • Lekua: Ikasgelategiko 314. ikasgela
  • 2024ko maiatzaren 9an

 


NANa eta boligrafo beltza edo urdina eraman behar dute ikasleek.

  • Enpresaren Ekonomia
    Kalkulagailuak, programagarriak ez badira, pantaila grafikorik ez badute eta ekuazioak ebazteko aukera ematen ez badute. Kalkulagailuek ez dute aukerarik eman behar datu alfanumerikoak gordetzeko.
  • Fisika / Gizarte Zientziei aplikatutako Matematika
    Kalkulagailuak erabiltzen ahalko dira, betiere programatu ezin badira, pantaila grafikorik ez badute eta aukerarik ematen ez badute ekuazioak eta matrizeekiko eragiketak egiteko eta determinanteak, deribatuak edo integralak kalkulatzeko. Ez dute aukerarik eman behar datu alfanumerikoak gordetzeko.
  • Geografia / Kimika
    Kalkulagailuak erabiltzen ahalko dira, betiere programatu ezin badira.
  • Matematika II
    Ezin da erabili ez kalkulagailurik ezta beste gailu elektroniko edo informatikorik ere.
     

Behin-behineko emaitzak

Erreklamazioak

  • 2024ko maiatzaren 14tik 20ra, erregistro elektronikoan eskabide bat aurkeztuz 

Behin betiko emaitzak

Kalifikazioen txartela deskargatzea

Aurreinskripzioa

Aurreinskripzioa NUPen

25 urtez gorakoen sarbide proba gaindituz gero, aurreinskripzioa egiten ahal dute ikasleek NUPeko graduko ikasketak hasteko.